ດູດວງປະຈຳວັນເກີດ ແມ່ນໆ!!

 ດວງຊາຕາຖືວ່າເປັນຄວາມເຊື່ອສ່ວນບຸກຄົນທີ່ບໍ່ຕ້ອງຮູ້ກໍ່ໄດ້ຫຼືຮູ້ໄວ້ກໍເປັນການດີ ເພາະບາງຄັ້ງການດູດວງອາດຈະບອກເຖິງນິໄສໃຈຄໍແລະຄວາມເປັນໄປໃນຊີວິດໄດ້ຢ່າງແມ່ນຍຳ! ແລະຕໍ່ໄປນີ້ຖືເປັນຄວາມຮູ້ພື້ນຖານກ່ຽວກັບດວງຊະຕາຂອງຄົນທີ່ເກີດຕາມວັນທັງ7ໃນໜື່ງອາທິດ ມີດັງນີ້:

ຄົນເກີດວັນຈັນ
ໂດຍລວມເປັນຄົນມີສະເໜ່ ເປັນສີແກ່ໂຕເອງ ຍາມທີ່ຕົກທຸກໄດ້ຍາກ ມັກຈະມີຄົນມາຊ່ວຍເຫຼືອຢູ່ສະເຫມີ ວາດສະຫນາດີ,ອຸປະນິໄສຂອງຄົນເກີດວັນຈັນມີຄວາມອ່ອນຫວານອ່ອນໂຍນ ເວົ້າຈາໂນ້ມນ້າວໃຫ້ຄົນປະທັບໃຈໄດ້ດີ ອາລົມແປປ່ວນງ່າຍ ແມ້ອ່ອນໂຍນແຕ່ໂມໂຫຮ້າຍ ແຕ່ກໍ່ຫາຍໄວ ລົດນິຍົມດີທັງດ້ານການແຕ່ງກາຍ ແລະ ດ້ານອື່ນໆ ເປັນຄົນເຈົ້າລະບຽບແຕ່ຮູ້ຈັກຄິດ ມີຄວາມຮອບຄອບ ສຸຂຸມ ແລະ ມີຄວາມປະນີປະນອມນຸ້ມນວນບໍ່ກ້າວລ້າວ. ຄົນເກີດວັນຈັນ ເປັນຄົນໃຝ່ຄວາມຮູ້ ມີປັນຍາດີ ມັກທຳບຸນສູນທານ ຮັກຄອບຄົວ ມຸ້ງໝັ້ນອົດທົນ ຊ່າງຄິດຝັນ ຫວັ່ນໄຫວງ່າຍແຕ່ກໍ່ເຂັ້ມແຂງ ສຸຂະພາບບໍ່ຄ່ອຍດີມັກເຈັບປ່ວຍ ຈົນໄວກາງຄົນຜ່ານໄປອາການປ່ວຍຈຶ່ງຈະດີຂື້ນ ໝັ່ນເຮັດບຸນເຮັດທານ ໂລກໄພຕ່າງໆຈະຫາຍ ແລະ ເບົາບາງ ແຕ່ດວງຊະຕາຂອງຄົນເກີດວັນຈັນຖ້າເກີດເດືອນຂື້ນດວງຊະຕາຈະຍິ່ງລຸ້ງໂລດສົດໃສ ວາດສະໜາດີ ຖ້າເກີດເດືອນແຮມຈະອາພັບຄູ່ ວາດສະໜານ້ອຍກວ່າເດືອນຂື້ນ. ຄົນເກີດວັນຈັນຕ້ອງກ່ຽວກັບຄວາມຄິດ ຫລື ການຄິດຫລາຍ ຄວນຜ່ອນຄາຍຄວາມຕຶງຄຽດກັບເລື້ອງເລັກໆນ້ອຍໆແດ່ ແລະ ຢ່າເກັບເອົາເລື້ອງເລັກໆ ນ້ອຍໆມາຄິດ ດວງຊະຕາມັກປ່ຽນແປງຕະຫຼອດ ແລະ ມີປະສົບການຫລາຍໃນຊີວິດ ມັກຈະມີກຽດຕິຍົດ.

ຄົນເກີດວັນອັງຄານ
ເປັນຄົນມີຈິດໃຈກ້າແກ່ງບໍ່ຢ້ານເກງໃຜ ເປັນນັກຕໍ່ສູ້ ໃຈນັກຮົບ ໂມໂຫຮ້າຍ ໃຈຮ້ອນວູ່ວາມບໍ່ຍອມຄົນ ມັກມີເລື່ອງຂັດແຍ່ງໃຝ່ການຮຽນຮູ້ນອກຕໍາລາ ມານະບາກບັ່ນ ມັກສ່ຽງ ອົດທົນດີ ດື້ດ້ານ ເຊື່ອແຕ່ຄວາມຄິດຕົນເອງເປັນໃຫ່ຍ ດຸດັນ ຕັດສິນໃຈໄວ ເປັນຄົນຕົງໆ ດັດຈະລິດມາຍາບໍ່ເປັນ ບໍ່ມີເລ່ລ່ຽມ ບໍ່ມັກຢູ່ລ້າໆ ຂະຫຍັນບາກບັ່ນ ແຕ່ມັກວຽກສະບາຍ. ຄົນເກີດວັນອັງຄານ ມັກຈະຖືເອົາຄວາມຄິດຂອງໂຕເອງເປັນໃຫ່ຍ ແລະ ເຊື່ອຫມັ້ນໃນໂຕເອງສະເຫມີ ແຕ່ມັກຈະເປັນຂໍ້ເສຍທີ່ຈະເຮັດໃຫ້ເກີດການເຮັດອັນໃດກໍ່ຕາມຜິດພາດໄດ້ ຄົນເກີດວັນອັງຄານເຖິງແມ່ນວ່າຈະເຊື່ອ ຫລື ຟັງຄົນອື່ນ ບອກສອນແນວໃດກໍ່ຕາມ ແຕ່ພໍກັບໄປແລ້ວກໍ່ຈະເອົາຄວາມຄິດຂອງໂຕເອງເປັນໃຫ່ຍຝ່າຍດຽວ ດັ່ງນັ້ນ ຕ້ອງແກ້ການເອົາຄວາມຄິດຂອງໂຕເອງເປັນໃຫ່ຍກ່ອນ ແລ້ວມາສົນໃຈກັບຄໍາສອນ ແນວທາງຊີ້ແຈງຂອງຄົນອື່ນ.

ຄົນເກີດວັນພຸດ
ເປັນຄົນທີ່ມີດວງຊະຕາສົດໃສ ຈະເລີນກ້າວຫນ້າໄດ້ເພາະມີປັນຍາບໍ່ຄ່ອຍຕົກລະກໍາລໍາບາກປານໃດເພາະເອົາໂຕລອດໄດ້ດີສະເຫມີ.ອຸປະສິໃສຂອງຄົນເກີດວັນພຸດເປັນຄົນມີມະນຸດສໍາພັນດີ ມັກການຕິດຕໍ່ເຈລະຈາ ມີສິນລະປະ ໃນການເວົ້າທີ່ຜູ້ຄົນຍອມຮັບ ເຫມາະທີ່ຈະເຮັດການຄ້າຂາຍ ຫລື ທຸລະກິດຕ່າງໆ ຫລາຍກວ່າຮັບລາດສະການ ມີສະຕິປັນຍາດີ ມີຄວາມສະຫລາດ ແຕ່ຄວາມຈໍາບໍ່ຄ່ອຍດີ ມັກລືມ ເປັນຄົນປັບໂຕເກັ່ງ ຮັກທໍາມະຊາດ ບໍ່ອວດເກັ່ງ ເປັນຄົນນອບນ້ອມດີ ຮູ້ຈັກກາລະເທສະ ມັກການສຶກສາຫາຄວາມຮູ້ ອ່ານໃຈຄົນເກັ່ງ ມີຝີມືນັກປະດິດ. ຂໍ້ເສຍເລັກນ້ອຍຄື ເປັນຄົນເຈົ້າຊູ້ຫລາຍໃຈ ເກັບເງິນບໍ່ຢູ່ ມັກມີເລື້ອງໃຫ້ໃຊ້ຈ່າຍຫມົດໄປ ຄວາມຄິດບໍ່ຢູ່ນີ້ງ ປ່ຽນຕາມອາລົມ ເປັນຄົນມັກເບື່ອງ່າຍ ທົນບໍ່ໄດ້ດົນ, ຄົນເກີດວັນພຸດກາງເວັນ ອຸປະສັກຈະຫນ້ອຍກວ່າເກີດກາງຄືນ ແລະ ຕ້ອງປັບປຸງຄວາມເຈົ້າຊູ້ຂອງຕົນ ເພາະຄວາມເຈົ້າຊູ້ນັ້ນສົ່ງຜົນໃຫ້ເກີດການບໍ່ສົມຫວັງໃນຄວາມຮັກໄດ້ ສ່ວນເລື້ອງໂຊກຊະຕາຢູ່ໃນເກນດີ

ຄົນເກີດວັນພະຫັດ

ເປັນຄົນມີບຸນ ມີດວງຊະຕາດີ ມີກຽດ ມີຄົນເຄົາລົບນັບຖືຫລາຍ ແຕ່ມັກມີປັນຫາເລື້ອງຄູ່ຄອງ ຫລື ກໍ່ອາພັບຄູ່ ອຸປະນິໃສເປັນຄົນມັກການສຶກສາຮໍ່າຮຽນ ມັກທໍາມະ ເປັນຄົນເຈົ້າລະບຽບ ເປັນຄົນເຂັ້ມງວດ ມີຈິດໃຈເອື້ອອາທອນຕໍ່ຄົນອ້ອມຂ້າງ ຮັກສະຫງົບ ມັກຄວາມຫມັ້ນຄົງ ຢືດຖືຄວາມຖືກຕ້ອງ ທ່ຽງທໍາ ເດັດດ່ຽວ ແຕ່ຢ້ານການປ່ຽນແປງ. ຄົນເກີດວັນພະຫັດເປັນຄົນເປີດເຜີຍ ບໍ່ມີລັບລົມຄົມໃນ ເວົ້າຈິງເຮັດຈິງ ແຕ່ເປັນຄົນຂິີ້ໃຈນ້ອຍ ຢຶດຖືໃນຂະຫນົບທໍານຽມປະເພນີ ຄຽດແລ້ວໃຈຮ້າຍໃຈແຂງ ມັກຄິດມັກລະແວງ ເຮັດອັນໃດມັກລອບຄອບ

ຄົນເກີດວັນສຸກ

ເປັນເທບແຫ່ງຄວາມຮັກ ມັກມີດວງສະຕາດີ ຕົກນໍ້າບໍ່ໄຫລຕົກໄຟບໍ່ໄຫມ້ ຫລື ລໍາບາກໄດ້ບໍ່ດົນ, ອຸປະນິໄສເປັນຄົນຮັກສວຍຮັກງາມ ອາລົມສຸນທະລີ ມີໄມຕີ ມີນໍ້າໃຈໃຫ້ທຸກຄົນ ມັກຮຽນເກັ່ງດ້ານສິນລະປະຂະແຫນງໃດຂະແຫນງຫນຶ່ງ ມີຄວາມນອບນ້ອມອ່ອນໂຍນຕໍ່ຜູ້ອື່ນ ເປັນຄົນເຈົ້າຊູ້ຝັກໃຝ່ໂລກີ ມັກການບັນເທີງເລີງໃຈ ດຸຫມັ່ນໃນການເຮັດວຽກ ຊື່ຕົງ ບໍ່ເຄີຍຄົດໂກງເອົາປຽບໃຜ ຄົນເກີດວັນສຸກເປັນຄົນທີ່ຮູ້ຈັກອົດອອມ ແຕ່ລົດນິຍົມສູງ ມັກຄວາມສະຫງົບ ເຢຶອກເຢັນສຸຂຸມ ກະຕັນຍູຮູ້ບາບບຸນຄຸນໂທດ ມີຄວາມອົດທົນ ຮູ້ຈັກປະມານຕົນ ບໍ່ໂລບ ຈິດໃຈອາລີ ແຕ່ມັກຈົ່ມ ແລະ ເປັນຄົນຄິດຫລາຍ ລະວັງເລື້ອງຄວາມຄິດກັບເລື້ອງບໍ່ເປັນເລື້ອງ ໃຫ້ຜ່ອນຄາຍແດ່ ຈຶ່ງຈະດີ. ຄົນເກີດວັນສຸກຕ້ອງລະວັງຢ່າງຍິ່ງກ່ຽວກັບຄວາມຄິດ ຄວາມຮັກ ແລະ ການຢຶດຕິດ ສິ່ງເຫລົ່ານີ້ຈະເປັນໂຕທໍາລາຍຄວາມສຸກຂອງໂຕເອງໄດ້ ສ່ວນໃຫ່ຍມັກຈະເປັນຄົນທີ່ຄິດຫລາຍ ກັບເລື້ອງເລັກໆນ້ອຍໆ ຫລື ມັກເອົາເລື້ອງເກົ່າໆມາຄິດແລ້ວຄິດອີກ ຖ້າສາມາດຢຸດກັບຄວາມຄິດເລື້ອງເລັກໆນ້ອຍໆໄດ້ແລ້ວຄວາມສຸກ ແລະ ຄວາມສະຫງົບກໍ່ຈະເກີດຂື້ນ ຕ້ອງລະວັງການຍຶດຕິດກັບວັດຖຸ ຖ້າຖາມວ່າຈະລະວັງອັນໃດຄົງຕອບໄດ້ວ່າຄວນຢຸດຢູ່ໃຫ້ພໍດີ ໃຊ້ສ່ວນທີ່ມີໃຫ້ຫມົດກ່ອນແລ້ວຄ່ອຍເພີ່ມຫາມາໃຫມ່

ຄົນເກີດວັນເສົາ
ມັກມີດວງຊະຕາແຂງ ແມ່ນແຕ່ຊ່ວງທີ່ດວງບໍ່ດີ ຕ້ອງຕົກຍາກ ຫລື ພົບອຸປະສັກທີ່ຫນັກໜາ ກໍສາມາດລຸກຂຶ້ນຕໍ່ສູ້ ແລະ ຜ່ານໄປໄດ້ດ້ວຍດີ ແມ່ນແຕ່ໃຜທີ່ຄິດຮ້າຍກໍ່ຕ້ອງພ່າຍແພ້ໄປໃນທີ່ສຸດ. ອຸປະສິໃສມີລັກສະນະຄວາມເປັນຜູ້ນໍາ ຫນັກແໜ້ນ ຮັກກຽດ ຖືສັກສີຂອງຕົນ ແລະ ບໍ່ເຄີຍເອົາປຽບໃຜ ແລະ ເປັນຄົນຕົງໄປຕົງມາ ມີຄວາມຂະຫຍັນອົດທົນ ເຮັດວຽກເກັ່ງ ແລະ ເປັນຄົນເສຍສະລະ ຈິດໃຈເດັດດ່ຽວ ຄຽດຍາກແຕ່ຖ້າໄດ້ຄຽດຈະຄຽດດົນ, ເປັນຄົນບໍ່ຄ່ອຍໄວ້ວາງໃຈໃຜງ່າຍໆ ມີຄວາມຮູ້ດີ ມັກຄວາມຫມັ້ນຄົງ ບໍ່ຊ່າງເວົ້າ ການທີ່ຈະເຮັດອັນໃດກໍ່ຕາມມັກຈະຄິດກ່ອນຕັດສິນໃຈທຸກຄັ້ງ ຖືເຫດຜົນເປັນຫລັກສໍາຄັນ ເຈົ້າຊູ້ແຕ່ບໍ່ສະແດງອອກ ມີນິໃສເຂັ້ມງວດ ບໍ່ມັກຄຽດແຄ້ນໃຫ້ໃຜ ໃຝ່ຮູ້ ມີຄວາມຮັບຜິດຊອບ ສ່ວນໃຫ່ຍມັກຈະໄດ້ຮັບລາດກະການ ແລະ ໄດ້ເຮັດອາຊີບທີ່ຫມັ້ນຄົງ ແລະ ລັກສະນະເດັ່ນເປັນຄົນດວງແຂງຫລາຍໃນຈໍານວນມື້ເກີດທັງ 7 ວັນ ຂໍ້ເສຍ ຈະເສຍຢູ່ທີ່ຄໍາເວົ້າ ເວົ້າແລ້ວຄ່ອຍຄິດນໍາຫລັງ ເຮັດໃຫ້ຫລາຍຄົນທີ່ລົມນໍາບໍ່ເຂົ້າໃຈໃນໂຕເຮົາ ແລ້ວອາດຈະບໍ່ພໍໃຈ ແຕ່ຢ່າງໃດກໍ່ດີຄົນເກີດວັນເສົາກໍ່ເປັນຄົນມີນໍ້າໃຈດີຄົນຫນຶ່ງ ແລະ ຫນ້າຄົບຫາບໍ່ຫນ້ອຍເລີຍ

ຄົນເກີດວັນອາທິດ

ວາດສະຫນາດີ ຈຶ່ງມັກມີດວງຊະຕາທີ່ດີ ມີບຸນມີວາດສະຫນາດີ ສ່ວນໃຫ່ຍແລ້ວຈະມີຍົດມີສັກ ມີຊັບ ມີບໍລິວານຫລາຍ ເປັນຄົນເຮັດກັບຄົນບໍ່ຂື້ນ ຢ່າງດີກໍ່ສະເຫມີໂຕ ແຕ່ເຮັດດີແລ້ວຢ່າງໃດກໍ່ໄດ້ບຸນ ເພາະຄົນເກີດວັນອາທິດ ດວງຊະຕາຕົກນໍ້າບໍ່ໄຫລຕົກໄຟບໄຫມ້ ມັກມີຄົນເກື້ອກູນສົ່ງເສີມສະເຫມີ ອຸປະນິໄສ ເປັນຄົນໃຈກ້ວາງ ມີນໍ້າໃຈໄມຕີກັບຫມູ່ຄູ່ສະເຫມີ ໃຈນັກເລງ ກ້າໄດ້ກ້າເສຍ ມີເງິນຫລາຍໃຊ້ຫລາຍ ມີຫນ້ອຍໃຊ້ຫນ້ອຍ ຍາມຕົກຕໍ່າກໍ່ຫວັ່ນໄຫວ ມີຄວາມທະເຍີທະຍານສູງ ມີຄວາມເປັນຜູ້ນໍາ ເຊື່ອຫມັ້ນໃນໂຕເອງສູງ ຮັກອິດສະຫລະ ມີອຸດົມການ ມີຄຸນະທໍາປະຈໍາໃຈ ປັນຍາດີ ອ່ອນໄຫວ ໃຈຮ້ອນ ຮັກສັກສີ ຮັກກຽດຫລາຍ ດວງຊະຕາຜູ້ທີ່ເກີດວັນອາທິດຕອນເຊົ້າຕ້ອງດິ້ນລົນຢູ່ສະເຫມີ ຕ້ອງສູ້ດ້ວຍຄວາມອົດທົນ ແລະ ເຮັດວຽກຈຶ່ງຈະກ້າວໄດ້ຢ່າງມີກຽດ, ດວງຊະຕາຜູ້ທີ່ເກີດກາງຄືນມັກເປັນຄົນສຸພາບດີ ກ້າຫານ ເຊື່ອຫມັ້ນໃຈໂຕເອງ ຕັດສິນໃຈໄວ ມີຄຸນະທໍາ ແຕ່ບາງຄົນໃຊ້ເງິນເກັ່ງ ມີເທົ່າໃດກໍ່ຫມົດ ໃຈເດັດດ່ຽວ, ຄົນເກີດວັນອາທິດນັ້ນຕ້ອງຜີວດໍາແດງຈຶ່ງຈະເຫມາະສົມ ແຕ່ຖ້າຜີວຂາວ ຫລື ຂາວເຫລືອງ ຕ້ອງໜ້າຜາກກວ້າງຈຶ່ງຈະຖືເປັນມົງຄົນດີ.

ສຳລັບຄັນທີ່ອ່ານແລ້ວຮູ້ສຶກວ່າຕົງກັບຊີວິດກໍແຊໃຫ້ໝູ່ເພື່ອນຫຼືຄົນທີ່ທ່ານຮັກເພື່ອຮູ້ຈັກແລະປັບໃຊ້ກັບແນວທາງການດຳລົງຊີວິດຕໍ່ໄປ